Festën e madhe për hapjen e Botërorit në Katar e hapi Morgan Freeman, i cili doli në fushë pa e pritur dhe u duartrokit nga mijëra spektatorë.
Kur dritat u shuan pak pasi filloi ceremonia, të gjithë prisnin me ankth të shihnin se çfarë do të zbulohej dhe surpriza ishte Morgan Freeman.
Ylli i Hollivudit kishte rolin e prezantueses-narratorit në spin-off spektaklin e ceremonisë që titullohej “Le të njihemi më mirë”.
Por ata që ishin në terren dhe ata që e panë ceremoninë nga ekrani i tyre, vunë re se aktori amerikan mbante një dorezë në dorën e majtë.
Marca shpjegon se pse ka veshur prej vitesh këtë aksesor në evente publike.
Shkak është bërë një aksident automobilistik i pësuar nga Freeman në Misisipi në vitin 2008, kur makina e tij u përmbys dhe aktori u plagos rëndë. Madje iu desh t’i nënshtrohej një operacioni në një nerv në krahun e majtë, duke e lënë atë pjesërisht të paralizuar.
Freeman shpjegoi për revistën People në vitin 2010 se ai ende vuante nga problemet e duarve: “Unë nuk mund ta lëviz atë dhe nëse nuk e lëviz, ajo fryhet”.
Doreza e shtrirë dhe e ngushtë thjesht e ndihmon atë të mbajë gjakun që t’i rrjedhë në dorë, megjithëse nuk duhet ta mbajë atë gjatë gjithë kohës.